Aquel riu afluent del Linobre nais dins las sanhas en amont a 800 m a la broa de Tarn e d’Aude.

Es un riu fresc plan oxigenat, franc de tota pollucion, que fa una sèrva biologica favorable a la reproduccion e al desvolopament de la trocha salvatja (fario). Aquel peis amb sa rauba mirgalhada de punts roges e negres es costumièr d’aqueles rius de montanha bassa, signe d’una qualitat d’aiga de tria . D’ octòbre a fin de març aquela trocha remonta los afluents d’Arneta per anar pondre sos uòus al cap del bacin. La bona qualitat de l’aiga e l’abséncia d’empacha favorizan la migracion e lo manten d’aquel peis dins aquel riu.