Lo nombre dels écosistèmas presents alentorn del lac prepausa una variétat d’espècias de tria. Segon l’endrech, lo bòsc levat amb saps (piceàs, de Doglas) garrics, fraisses e avelanièrs en bassa man, ven orlar las aigas del lac. Bécabòsc, Pinçard comun, Trida, Tordre, Mosquèlas, Escala-rol, Picassèla, Pic Negre, Gag son los estajants costumièrs d’aquel luòc.

. D’autres espècias mai discretas (Esquiròl, Martas, Tais) son plan amagadas mas òm pòt trapar de pesadas, cròtas o rèstas de manjalha. L’esquiròl es l’especialista de l’espelucatge de pinhas que rosega pel bas en tornejant cap a la cima mas arriba sovent qu’acaba pas de la rosegar. Per reconéisse aisidament une pinha de pin manjuquejada per un esquiròl sufis d’espiar los rèstas de las escatas : ne demòra de talhons, sovent amolonats. Mentre que los garris e autres rosegaires chapan la totalitat de las escatas.