Classada zòna naturala d’interès ecologic, faunistic, e floristic per sa flòra de tria (Trescalan de sanha, Bòsa, Sescarèl) lo lac dels Montanhièrs dèu son alimentacion a las nombrosas sanhas de cap ensús. Sas sausièras aigadòsas costejan d’autres pichons airals tal coma pelencs de broa acids, rauselièras, sesquièras, pradas sanhosas e abosquiment aigoses. Aquelés abitats caractérizan d’ écosistèmas diferents e prepausan mai d’un recès per las bèstias acostumadas a aqueles ambients : batracis, passeronalha, domaisèlas.